• МОЛЕБЕН
• ПАНИХИДА
МОЛЕБЕН
Иерей:Мемнан Юмына моктымо лийже, кызытат, керек-кунамат, курым-курым мучкак.
Мурышо-влак: Аминь.
Иерей: Тау Тылат, мемнан Юмына, тау Тылат.
Мурышо-влак: Пылпомышсо Кугыжа, Чынлан туныктен йывыртыктыше Шўлыш, Тый чыла вере улат, чыла ситарет, керек-могай порылыкат Тый дечет лектеш, илышым Тый пуэт, кӧргышкына толын пурен иле, чыла осал дечат мемнам эрыкте, Поро Юмо, мемнан чоннам утаре.
Лудшо: Святой Юмо, Святой Куатле, Святой Колыдымо, мемнам серлаге. (3 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Эн Святой Троице, мемнам серлаге; Господь Юмо, язык деч мемнам эрыкте; Ашныше Юмо, мемнан осалым ыштымынам кудалте; Святой Юмо, толын, Шке лўмет верчын, черна деч мемнам паремде.
Юмо, серлаге (3 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Пылпомышто улшо мемнан Ачана! Тыйын лўмет мокталтше, Тыйын Кугыжанышет толжо, Тыйын эрыкет мланде ўмбалнат пылпомышсо гаяк лийже. Мемнан илышаш киндым, тачылыкым, мыланна пу; кудалте мемнан язык-шамычнам, весе-шамычын мыланна ыштыме языкыштым кудалтымына гаяк; языкышке мемнам ит пурто, осал дечын мемнам утаре.
Возглас: Тыйын вет Кугыжанышет, куатет, кугу чапет, Ачан, Эргын, Святой Шўлышын, кызытат, керек-кунамат, курым-курым мучкак.
Мурышо-влак: Аминь.
Лудшо: Юмо серлаге (12 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Толза, мемнан Ашныше Юмылан кумалына.
Толза, мемнан Ашныше Христос Юмылан сукен кумалына.
Толза, мемнан Ашныше Христос Юмылан Шкаланжак сукен кумалына.
142-шо псалом
Господь, мыйын кумалмем кол, шке чынлыкет дене мыйын сӧрвалымем пылышышкет нал, Шке виклыкет дене мыйым кол. Шке айдемет дене судышко ит шогал. Тыйын ончылнет ик илыше еҥат чыныш лектын ок керт вет. Мыйын чонем тушман поктыш, мыйын илышем мландышке тошкыш, шукерте колышо гаеш шотлен, мыйым пычкемышке петырыш. Мыйын чонем ойгырыш, мыйын кӧргыштем шўмем лўдӧ. Тошто годсо жапым ушышкем налын, Тыйын чыла пўрымет-шамычым, Тыйын чыла пашатым шонен, ушым погышым. Мый Тый декет кидем нӧлтальым, мыйын чонем Тылат вўддымӧ мланде гае ўшанен шога. Эй Юмо, мыйым вашке кол: мыйын шўлышем пытыш. Шке чуриетым мый дечем ит савыре: шўгар вынемышке вочшо гае ом лий ыле. Шке поро кумылетым мыланем эрак колын кертшашым ыште: вет мый Тыланет ўшанышым. Эй Юмо, коштшаш корнемым мыланем ончыкто: чонем Тый декет савырышым. Господь, тушманем-шамыч деч мыйым утаре, Тый декет аралалташ толынам. Шке эрыкетым ышташ мыйым туныкто: Тый мыйын Юмем улат. Тыйын поро Шўлышет мыйым чын мланде ўмбаке намийыже ыле. Господь, Шке лўмет верчын Тый мыйым иландарет, Шке чынет дене мыйым ойго гычын утарет. Шке поро кумылет дене тушманем-шамычым, мыйын чонемым ойгаҥдарыше-влакым чылаштымат, пытарет: мый Тыйын кулет улам вет.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь. Аллилуиа (3 гана).
Диакон але иерей (тропарьын гласше почеш): Юмо – Господь мемнан деке толын. Юмын лўмеш толшо поро пўрымашан.
Юмо ончылно шкендам почса, Тудо поро, Тудын поро кумылжо курым-курымеш.
Йырым-йыр мыйым авыреныт, Юмын лўмжӧ дене ваштарешышт шогенам.
Ом коло, илыше лиям да Юмын пашажым палдарем.
Пӧрт ыштыше-шамычын йӧрдымашеш шотлен кудалтыме кўышт пусак йымалан негыз лийын: тиде Юмо деч лийын, сандене мемнан шинча ончылно ӧрмаш.
Тропарь кӧлан молебен служитлалтеш (2 гана).
Утарышылан – тропарь, 2-шо глас:
Тыйын Эн Яндар тўсетлан кумалына, Поро, шке сулыкнам касараш йодына, Христос Юмо: Шке кумылын кап дене ыресыш кўзаш келшенат, да пўрымӧ-шамычетым осаллан пашам ыштыме деч утарет. Сандене, таум ыштен, Тыланет мурена: чылам куан дене теменат, мемнам Утарыше, тўням утараш толшо.
Юмым Шочыктышылан – тропарь, 4-ше глас:
Юмын Шочмо Аваж деке ме, сулыкан да ўҥышӧ-влак, уло кумылын толына да кумалына, сулыкым кудалташ кӧргӧ чон дене йодына: Владычице, полшо, мемнам чамане, тырше, шуко сулыкым ыштымына верчын ме ынде йомна; мыланна, Шкендын айдемет-шамычлан, порым ыштыде ит кодо; Тыланет веле, Иктылан, ўшанена.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Богородичен: Юмын Аваже! Ме, йӧрдымӧ-шамыч, Тыйын куатетым моктен ойлаш нигунам огына чарне: Юмын ончылно мемнан верчна Тый кумал от шого гын, тунаре орлык дечын мемнам кӧ утара ыле? Ашныше Юмын Аваже! Тый дечет ме огына ойырло: Тый вет чыла тўрлӧ орлык дечын шкендын айдемет-шамычым керек-кунамат утарет.
Черле-влак верч – тропарь, 4-ше глас:
Христос, Тый икте вашке полшышо улат. Тыйын черле кулет-влак деке толметым кўшычын вашке ончыкто, йӧсыланымаш да неле чер деч утаре. Юмым Шочыктышын кумалмыж дене Тыйым чарныде моктен мураш мемнан чоннам тарвате. Тый вет икте айдемым йӧратыше улат.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Кондак, 2-шо глас:
Черле кийыше да колышашлан сусыргышо-влакым Утарыше, Тый икана Петрын ватыжын аважым да вакшышеш нумал кондымо йыжыҥдымым йол ўмбак шогалтенат: чот Чаманыше, кызытат орланыше-влак деке тол да нуным паремде, Тый вет мемнан черна ден сусырнам Шке ўмбакет налынат, вет шуко Чаманыше улат да чыла кертат.
Преподобный Серафим Саровскийлан – тропарь, 4-ше глас:
Поро пиалан, изиет годсекак Христосым йӧратенат. Тудлан, Иктылан, тул гай служитлаш шоненат, чарныде кумалмет да пашат дене еҥ уке верыште чот тыршенат, пушкыдо шўмет дене Христосын йӧратымашыжым погенат. Юмын Аважын ойырен йӧратымыже лийынат, сандене тыйым чотак йодына: мемнан преподобный Серафим ачана, шке кумалмет дене мемнам утаре.
50-ше псалом
Юмем, Шкендын кугу кумылет дене мыйым серлаге, шуко порым шонымет дене осалем дечын мыйым эрыкте. Осалем дечын чарныдеак мушкын, языкем дечын мыйым эрыкте; осалым ыштымем мый шинчем, мыйын языкем эре ушыштемак коштеш. Тыйын ончылнет языкым ыштенам. Тыйын шинчат ончылно осал пашам ыштенам, Тыйын каласымет раш, языкем верчын мыйым судитлымет тӧрак. Авам мыйым языкеш иландарен, мый шочмем годымак яндар шочын омыл. Тый чон дене кӧргыштӧ тӧр шонымым йӧратет, пален шуктыдымо Тыйын законетым мыланем умылтарен туныкто. Тый, иссоп выньык дене мыйын ўмбакем шыжыктен, мыйым эрыкте. Мыйым мушкын, лум дечат чот ошым ыште. Куанышашлык, йывыртышашлык шомакым мыланем колыкто; Тый дечет лўдшӧ луэм йывыртыкте; мыйын язык-шамычем Тыйын шинчат ынже ончал, чыла осалым ыштымем дечын мыйым эрыкте. Юмем, мыйын чонем эрыкте, мыйын кӧргешем тӧр уш-акылым угычын ыште. Чурий ончычет мыйым ит кудалте. Мый дечем Святой Шўлышетымат шупшын ит нал. Утаралтшашлыкым, йывыртышашлыкым пу, ашныше Шўлышет дене мыйым пеҥгыдемде. Вийым пуымекет, осалым ыштыше-шамычым Тыйын корнетлан туныктынем ыле, языкан-шамыч Тый декет савырнат ыле; Юмем, вўр йоктарыме орлык дечын мыйым утаре. Утарыше Юмем, мыйын йылмем Тыйын чын оетлан куана. Господь, мыйын умшам почат гын, Тыйын кугу лўметым чапландарем ыле. Мый жертвым кондынем ыле гынат, Тый жертвым от йӧрате, йўлалтен кумалмымат от йӧрате, жертве олмеш чон дене шортын шонышым Юмо йӧрата; чон дене шортын шонышым, толашен нойышым Юмо кудалтен ок кодо. Юмо, Шке порылыкет дене Сион калыклан порым ыште, Иерусалим олан пырдыжшым нӧлтал, тунам вара презе-шамычым жертвылан кондымо олмеш тӧр шонен кумалмым йӧратет.
Канонын припевше-влак:
Утарышылан: Тау Тылат, мемнан Юмына, Тау Тылат.
Юмын Авалан: Юмын Аваже, мемнам утаре.
Святой-влаклан: Святитель Николай ачана, мемнан верч Юмым сӧрвале(але вес святой-влакын лўмышт).
Иерей: Тау Ачалан, Эргылан, Святой Шўлышлан.
Мурышо-влак: Кызытат, керек-кунамат, курым-курым мучкак. Аминь.
3-шо муро деч вара припев:
Утарышылан: Шуко чаманыше, Шке кулет-влакым ойго деч утаре, вет ме Тый декет, чаманен Утарыше да чылам кучен Ашныше Господь Иисус деке, уло шўм дене ўшанен толына.
Юмым Шочыктышылан: Юмым Шочыктышо, Тый Шке кулет-шамычым ойго деч утаре, вет Тый шалаташ лийдыме Пырдыж да мемнан верч йодын Шогышо улат, сандене Юмо деч полышым йодаш чылан Тыйым сӧрвалена. Юмым Шочыктышо да чыла дечат моктымо, капемын нелын орланымыжым порын ончал, чонемын чержым паремде.
Святойлан (кӧлан молебен служитлалтеш): Святитель Николай ачана, мемнан верч Юмым сӧрвале, вет ме уло шўмна дене ўшанен тый декет толына. Тый вет вашке полшышо да мемнан чонна верч кумалше улат.
Ектений
Угычын, угычын тынысын Юмылан кумалына.
Мурышо-влак: Юмо, серлаге.
Юмо, Шке порылыкет дене мемнам пыдал нал, утаре, серлаге да арале.
Мурышо-влак: Юмо, серлаге.
Эн святой, Эн Яндар, Порылан пўралтше, моктымо Владычицым, мемнан Юмым Шочыктышым, эреак Ӱдыр улшо Мариям, чыла святой-влак дене шарналтен, шкенам, лишыл-влакым да чыла илышнам Христос Юмын кидышкыже пуэна.
Мурышо-влак: Тылат, Юмо.
Возглас: Тый вет чаманыше да айдемым йӧратыше Юмо улат, Тыланет таум ыштена: Ачалан, Эргылан, Святой Шўлышлан, кызытат, керек-кунамат, курым-курым мучкак.
Мурышо-влак: Аминь.
5-ше да 6-шо муро деч вара припев-влак.
Ектений
Угычын, угычын тынысын Юмылан кумалына.
Мурышо-влак: Юмо, серлаге.
Юмо, Шке порылыкет дене мемнам пыдал нал, утаре, серлаге да арале.
Мурышо-влак: Юмо, серлаге.
Эн святой, Эн Яндар, Порылан пўралтше, моктымо Владычицым, мемнан Юмым Шочыктышым, эреак Ӱдыр улшо Мариям, чыла святой-влак дене шарналтен, шкенам, лишыл-влакым да чыла илышнам Христос Юмын кидышкыже пуэна.
Мурышо-влак: Тылат, Юмо.
Возглас: Тый вет тўням кучышо Кугыжа да мемнан чоннам утарыше улат да Тылат таум ыштена, Ачалан, Эргылан, Святой Шўлышлан, кызытат, керек-кунамат, курым-курым мучкак.
Мурышо-влак: Аминь.
Акафист лудалтеш
Акафист почеш:
Иерей: Колыштына. Кугу уш-акыл. Колыштына.
Прокимен-влак:
Утарышылан, 4-ше глас:
Господь, мыйын кумалмем кол, мыйын сӧрвалымем Шке пылышышкет нал. Стих: Господьым моктыза, вет Господь поро.
Юмым Шочыктышылан, 4-ше глас:
Тыйын лўметым тукым гыч тукымышко ушыштем кучем. Стих: Шўм-чон кумылем поро мутым луктеш.
Суксо-влаклан, 8-ше глас:
Шке Суксыжым койдымо шўлышым, Шке слугаже-влакым йўлышӧ тулым ыштен. Стих: Мыйын чонем, Господьым мокто. Господь, мыйын Юмем, тыйын лўмет моткоч моктымо.
Пророк-влаклан, 4 глас:
Мелхиседек чин почеш Тый курым-курымеш иерей улат. Стих: Господь мыйын Господемлан каласен «Тыйын тушманет-шамычым йол йымакет пыштымешкем, Мыйын пурла могырыштем шинче».
Апостол-влаклан, 4-ше глас:
Нунын увертарымышт чыла мланде мучко шарлен, нунын шомакышт тўнян чыла мучашышкыже шуын. Стих: Кава-шамыч Юмын чапшым увертарат, ужын кертме кава Тудын кид дене ыштымыжым ужын ойлен палдара.
Святитель-влаклан, 1-ше глас:
Мыйын умшам шинчымашым каласа, мыйын шўмемын шонкалымыже – палымаш. Стих: Тидым чыла калык-влак колыштса, тўнямбалне илыше-влак, чылан шўмышкыда пыштыза.
Святитель, преподобный, священномученик да Христос верч юродивый-влаклан, 4-ше глас:
Юмылан йӧрышӧ-шамычын колымашышт Юмын ончылно пагалыме. Стих: Юмын мыланем ыштыме чыла порыжлан мый мо дене пӧртылтем.
Орланыше-влаклан, 4-ше глас:
Чын ыштыше Господь верч куана да Тудлан ўшана. Стих: Мыйын Юмем, Тыланет кумалмем годым йўкемым кол.
Орланыше да акым налде тыршыше-влаклан, 4-ше глас:
Шке мландысе святой-шамычлан Юмо чыла Шке шонымыжым нунын гоч ӧрыктарен ончыктен. Стих: Мый Юмым эре шке ончылнем ужым, мыланем лўдын чытырнаш огыл манын, Тудо мыйын пурла могырыштем (шога).
Священномученик, исповедник да преподобномученик-влаклан, 8-ше глас:
Юмылан йӧрышӧ-шамыч чапландарен моктымо лийыт да тыныс верыштышт йывыртат. Стих: Господьлан у мурым мурыза, Юмылан йӧрышӧ-шамычын погынымашыште тудлан моктымаш.
Юмылан йӧрышӧ да орланыше ўдырамаш-влаклан, 4-ше глас:
Святой-влак коклаште Юмо, Израильын Юмыжо, ӧрыктарыше. Стих: Эй, Израиль тукым гыч шочшо-шамыч, черкылаште Господь Юмым поро шомак дене моктыза.
Диакон але иерей: Юмылан кумалына.
Мурышо-влак: Юмо, серлаге.
Возглас: Святой улат Тый, мемнан Юмына, да святой-влак ўмбалне лыпланет, да Тыланет таум ыштена, Ачалан, Эргылан, Святой Шўлышлан, кызытат, керек-кунамат, курым-курым мучкак.
Мурышо-влак: Аминь.
Иерей: Чыла чонанат Юмым моктыжо. Стих: Юмым святой пӧртыштыжӧ моктыза, чот куатан улмыжлан Тудым моктыза.
Мыланна Святой Евангелийым колышташ йӧрышӧ лияш манын, Юмым сӧрвалена.
Мурышо-влак: Юмо, серлаге (3 гана).
Диакон але иерей: Кугу уш-акыл. Тўткӧ лийза, Святой Евангелийым колыштына!
Иерей: Тыныс чылалан.
Мурышо-влак: Тыйын Шўлышетланат.
Иерей: (Евангелистын лўмжӧ) деч Святой Евангелийым лудмаш.
Мурышо-влак: Тау, Тылат, мемнан Юмо, тау Тылат.
Иерей: Колыштына.
Утарышылан –Мф. 20 зач. от полу, (7 гл., 7 ст.):
Юмо Шке тунемшыже-влаклан каласен: Сӧрвалыза – тыланда пуалтеш, кычалза – муыда, пералтыза – тыланда почылтеш, вет сӧрвалыше налеш, кычалше муэш, пералтышылан почылтеш. Эргыда киндым йодеш гын, тендан коклаште тудлан кўым пуышо айдеме уло мо? Але колым йодшо эргыжлан кишкым пуышо? Тыгеже, те, осал улмо ўмбачат, шочшыланда сай пӧлекым пуэн моштеда гын, Пылпомышсо Ачада йодшылан порым ок пу мо?
Юмым Шочыктышылан – Лк. Зач. 4. (I, 39–49,56):
Тиде кечылаште Мария тарванен да курыкан кундемысе Иудан олашкыже вашкен каен. Тудо Захарийын пӧртышкыжӧ пурен да Елисаветам саламлен. Кунам Мариян саламлымыжым Елисавета колын, мўшкырыштыжӧ азаже тарванен, да Елисавета Святой шўлыш дене темын. Тудо виян кычкыралын: "Ӱдырамаш-влак коклаште тыгай благословитлыме улат! Тый дечет шочшат благословитлыме! Мый декем Господемын Аваже толын. Кушеч мылам тыгай пиал! Кунам саламлымет пылышышкем шоктыш, кӧргыштем азам куанен тарваныш. Ӱшаныше – поро пиалан, вет Господьын тудлан каласымыже шукталтеш". Мария каласен: "Мыйын чонем Господьым мокта, Юмылан, мыйым Утарышылан, кӧргӧ Шўлышем куана. Тудо ўҥышӧ тарзе Ӱдыржӧ веке ончалтышыжым савырен, тиде жап гыч чыла тукым мыйым поро пиалан манаш тўҥалеш: куатан Юмо мылам моткоч кугу порылыкым ыштен. Тудын лўмжӧ святой!" Елисавета дене Мария кум тылзе наре лийын, вара мӧҥгыжӧ пӧртылын.
Евангелий-влак:
Суксо-влаклан – Лк. 1 але Мф. 52.
Пророк-влаклан – Мф. 96 але Лк. 62.
Апостоллан – Мф. 34.
Апостол-влаклан – Лк. 50 але 51.
Святительлан – Ин. 36.
Святитель-влаклан – Мф. 11 але Ин. 35.
Юмылан йӧрышӧ да Христос верч юродивый-влаклан – Мф. 43 але Лк. 24.
Орланышылан – Лк. 63 але Ин. 52.
Орланыше-влаклан – Мф. 36 але Лк. 106.
Священномучениклан – Лк. 67.
Священномученик-влаклан – Лк. 24, 52, 77.
Юмылан йӧрышӧ да орланышылан – Мк. 37.
Юмылан йӧрышӧ да орланыше-влаклан – Мф. 38 але Лк. 64.
Орланыше ўдырамаш-влаклан – Мф. 62 але Мк. 21.
Юмылан йӧрышӧ ўдырамаш-влаклан – Мф. 104 але Лк. 33.
Исповедник-влаклан – Лк. 64.
Акым налде тыршыше-влаклан – Мф. 34.
Евангелий деч вара:
Мурышо-влак: Тау, Тыланет, мемнан Юмына, тау Тыланет.
7-ше, 8-ше, 9-ше муро-влакын припевышт.
Мурышо-влак: Тыйым, мемнан Юмым Шочыктышо Авам, Сулыкдымым, курым-курымак Пиаланым, чынак мокташ кўлеш. Херувим-шамыч дечат утла пагалышашлык лийынат, Серафим-шамыч дечат таҥастарыдыме чапле лийынат, Тыйым, чынак Эрге Юмым языкдеак шочыктышо Авам, кугу улат манын моктена.
Лудшо: Святой Юмо, Святой Куатле, Святой Колыдымо, мемнам серлаге (3 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Эн Святой Троице, мемнам серлаге; Господь Юмо, язык деч мемнам эрыкте; Ашныше Юмо, мемнан осалым ыштымынам кудалте; Святой Юмо, толын, Шке лўмет верчын, черна деч мемнам паремде.
Мурышо-влак: Юмо, серлаге (3 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Господь Юмылан молитва
Пылпомышто улшо мемнан Ачана! Тыйын лўмет мокталтше, Тыйын Кугыжанышет толжо, Тыйын эрыкет мланде ўмбалнат пылпомышсо гаяк лийже. Мемнан илышаш киндым, тачылыкым, мыланна пу; кудалте мемнан язык-шамычнам, весе-шамычын мыланна ыштыме языкыштым кудалтымына гаяк; языкышке мемнам ит пурто, осал дечын мемнам утаре.
Возглас: Тыйын вет Кугыжанышет, куатет, кугу чапет, Ачан, Эргын, Святой Шўлышын кызытат, керек-кунамат, курым-курым мучкак.
Мурышо-влак: Аминь.
Тропарь-влак
Ектений:
Юмо, кугу чаманымашет дене серлаге, Тыйым сӧрвалена, мемнам кол да серлаге.
Мурышо-влак: Юмо, серлаге (3 гана).
Эше Кугу Господин да мемнан ачана да Святейший Патриарх Кирилл верч, да мемнан Господинна Высокопреосвященнейший Архиепископ Иоанн верч, да Юмылан ўшаныше чыла иза-шольо верч кумалына.
Мурышо-влак: Юмо, серлаге (3 гана).
Юмын аралыме элна верч, кугыжаныш кучем да элнам аралыше-влак верч йодына да тынысын, яндар да поро койыш-шоктыш дене илышнам эртарена.
Мурышо-влак: Юмо, серлаге (3 гана).
Тыгак чаманымаш, илыш, тыныслык, тазалык, утарымаш, Юмын левед ашнымыже, язык касарымаш верч, Юмым йӧратыше-влак верч, (лўмышт) да тиде святой черкыш коштшо иза-шольо-влак да чыла православный христиан верч кумалына.
Мурышо-влак: Юмо, серлаге (3 гана).
Тидымат ешарыман:
Тыланет, мемнан Господь Юмына, кумалына, мемнан сєрвалымынам кол да шке кулетым (лўмжӧ) Шке порылыкет дене серлаге, да Тудын чыла йодмыжым шукто, пален але палыде ыштыме чыла сулыкшым касаре; тудын сӧрвалымыже да порым ыштымыже Тыйын престолет ончылно йӧрышӧ лийже. Тудым ужмо да уждымо тушман-влак деч, тўрлӧ орлык, ойго да чер деч арале, тазалыкым да кужу ўмырым пу;чылан ойлена: Господь, колышт мемнам да серлаге.
Мурышо-влак: Юмо, серлаге(3 гана).
Айдемым йӧратыше Владыке, Шке поро ончалтышет дене Шке кулетым (лўмжӧ) ончал да ўшан дене кондымо мемнан кумалмынам кол. Вет Шке ойленат: мом сӧрвален йодыда, тудым налыда да тудо лиеш манын, ўшаныза. Йодса, да тыланда пуалтеш. Сандене меат, йӧрдымӧ улына гынат, Тыйын порылыкетлан ўшанен, Тыйым йодына: Тыйын кулетлан (лўмжӧ)Шке порылыкетым пу да тудын порын йодмыжым шукто, чыла кечынат тыныс дене да таза лийын илаш йӧрышын ўмыржым шуйо; чылан ойлена: Господь, мемнам кол да Шке порылыкет дене серлаге.
Мурышо-влак: Юмо, серлаге (3 гана).
Тыгак святой черкыште саскам кондышо да порым ыштыше, пашаште тыршыше, мурышо, кумал шогышо да Тый дечет кугу чаманымашым вучышо-влак верч йодына.
Мурышо-влак: Юмо, серлаге (3 гана).
Черле-влак верч ектений:
Чон ден капым эмлыше Юмо, Тый декет ме шўм дене шортын да ўшанен толына да сӧрвален йодына: чер дечын эмле, чонын да капын ажгынымыж деч Тыйын кулетым (лўмжӧ)утаре. Шке порылыкет дене Тудын эрык дене але эрык деч посна ыштыме чыла сулыкшым касаре да черланен кийыме верже гыч тудым вашке кынелте, тыйым сӧрвалена: мемнам кол да серлаге.
Мурышо-влак: Юмо, серлаге (3 гана).
Языкан-влаклан колаш ит пу, сулыкыштым касарен илышаш верч нуным чамане, да Шке кулетым (лўмжӧ) серлаге да Шке порылыкет дене Тудын чержым да орланымыжым кораҥде, могыр шергылтме да капын тул гае йўлымыж дечын утаре, Шке пеҥгыде кидетым шуйо да, Иаирын ўдыржылан полшымет семын, тудым кийыме верже гычын кынелте да тазаҥде, Тыйым сӧрвалена: мемнам кол да серлаге.
Мурышо-влак: Юмо, серлаге (3 гана).
Шокшымужо чер дене орланыше Петрын ватыжын аважым Тый кид логалмет дене паремденат; кызыт чот орланыше Тыйын кулетын (лўмжӧ) чержым Шке поро кумылет дене паремде, тудлан тазалыкым пу, Тыйым, паремдышым, чот сӧрвалена: мемнам кол да серлаге.
Мурышо-влак: Юмо, серлаге (3 гана).
Мемнан, сулыкан-влакын, сӧрвалымынам кол да Шке кулетым (лўмжӧ)серлаге, тудым чыла ойго, шыде да нужналык, чонын да капын тўрлӧ черже деч утаре манын, тудлан кужун илаш ситыше тазалыкым йодын, мемнан Господь Юмынам сӧрвалена; чылан ойлена: Господь, мемнам кол да Шке порылыкет дене серлаге.
Мурышо-влак: Юмо, серлаге(3 гана).
Мемнан поро да айдемым йӧратыше Юмынам тиде олам (ялым, илыме верым) арален кодышаш верч, да тиде храм верч, (обитель) чыла ола да элым шужымо, мланде чытырналтме, вўд ташлыме, тул, керде, тушман-влак керылт пурымо, ваш-ваш кредалмаш деч аралаш да мемнан ўмбаке толшо чыла осалым кораҥдаш, да мыланна вочшаш чын шыдыж деч утараш да мемнам серлагаш йодына.
Мурышо-влак: Юмо, серлаге (3 гана).
Эше Господь Юмынам мемнан сӧрвалыме йўкнам колышташ да мемнам серлагаш йодына.
Мурышо-влак: Юмо, серлаге(3 гана).
Возглас: Мемнам утарыше Юмо, теҥызыште улшо, тўня тўр марте улшо-влакын ўшанышт, мемнам кол. Чамане, Ашныше Юмо, языкан улына гынат, чаманыше лий да мемнам серлаге. Тый вет Чаманыше да айдемым йӧратыше Юмо улат да Тыланет таум ыштена. Ачалан, Эргылан, Святой Шўлышлан, кызытат, керек-кунамат, курым-курым мучкак.
Мурышо-влак: Аминь.
Святойлан (кӧлан молебен служитлалтеш) молитва.
Иерей: Господь Иисус Христослан уло чон дене кумалына.
Мурышо-влак: Чонлан эн шерге Иисус, мемнам утаре.
Молитва
Мемнан Юмына, Господь Иисус Христос, Владыке, айдеме-шамычым пеш чот йӧратыметлан кӧра курым мучаште Эн Яндар Ӱдыр Мария деч капан Айдеме лийынат. Владыке, мый, Тыйын кулет, мыйымат утараш шоныметлан Тыйым чапландарем. Тыланет кӧра Ача Юмым палымемлан Тыйым моктен мурем; Тудлан кӧра тўняшке Святой Шўлышын толмыжлан Тыланет тауштем; Тыйын Эн Яндар Аватлан, тыгай кугу тайнылан шукталташ полшымыжлан, сукен кумалам; Тыланет служитлыше да Тыйын кугу улметым чапландарен мурышо Суксо-влакетым моктем; Господь, Тыйым Тынеш пуртышо Иоанн Предтечым пагалем; Тыйын толшашетым ончылгоч увертарыше пророк-влакым кугулан шотлем; Тыйын святой апостол-влакетым чапландарем; Тыланет ўшанле улшо орланыше-влак верч куанем; Тыйын священник-влакетым моктем; Тыйын преподобный-влакетлан сукен кумалам; Тыйын чыла праведникет-шамыч деч тунеммым порылан шотлем. Шуко порылыкан Юмо, мый, Тыйын кулет, Юмылан служитлыше пеш шуко тўрлӧ святой-влакым Тыйым сӧрвалаш тарватышым. Тыйын святой-влакетын кумалмышт дене, а эн чотшо Шке порылыкет дене мыйын сулыкем касаре, мыйым серлаге, Тый вет курым-курымеш чапландарыме улат.
Мурышо-влак: Аминь.
Иерей: Эн Святой, эн Яндар, эн Поро Пўрымашан Эреак Ӱдыр Мариялан уло чон дене кумалына.
Мурышо-влак: Юмын Аваже, мемнам утаре.
Молитва
Эн поро мыйын Царицем! Юмым Шочыктышо мыйын Ӱшанем, тулык-влак верч Тургыжланыше да нужна-влакын Аралтышыже, ойган-влакын Куанышт, ӧпкелыше-влакын Леведышышт! Уж мыйын эҥгекем, уж мыйын ойгем, полшо мыланем, вийдымылан, ашне мыйым корныштем. Мыйын ӧпкем палет, шке семынет тудым тӧрлӧ, Тый дечет посна вес полшышем уке, ни вес аралтышем, ни поро лыпландарышем, Тый веле, о, Юмын Аваже, кузе-гынат арале мыйым да переге курым-курымеш.
Мурышо-влак: Аминь.
Черле-влак верч молитва
Чыла кучышо Владыке, Святой Кугыжа, наказатлет гынат, колымашке ит шукто, пурен кайышым кучет, камвочшыжым нӧлталат, еҥ-влакын кап черыштым эмлет. Мемнан Юмына, Тыйым сӧрвалена, черланен кийыше Тыйын кулет деке (лўмжӧ) Шке порылыкет дене тол. Тудын эрык але эрык деч посна ыштыме чыла сулыкшым кудалте. Эй Господь, эмлен кертше Тыйын виетым Пылпомыш гыч колто, капше деке тўкнӧ, капын тул гае йўлымыжым, орланымыжым да кєргыштє улшо чыла чержым чаре. Тыйын кулетын (лўмжӧ) эмлызыже лий. Черланен кийыме да шыде дене темше верже гыч тичмашым да тазам кынелте. Тудым Шке Черкетлан йӧрышым да Тыйын эрыкетым шуктен шогышым ыште. Мемнан Юмына, мемнам серлагаш да утараш Тыйын эрыкет уло, да Тыйым, Ачам, Эргым да Святой Шўлышым, кызытат, керек-кунамат курым-курым мучкак моктена.
Мурышо-влак: Аминь.
Иерей: Кугу уш-акыл. Юмын Аваже, мемнам утаре.
Мурышо-влак: Херувим-шамыч дечат утла пагалышашлык лийынат, Серафим-шамыч дечат таҥастарыдыме чапле лийынат, Тыйым, чынак Эрге Юмым языкдеак шочыктышо Авам, кугу улат манын моктена.
Иерей: Тау Тылат, Христос Юмо, мемнан Ӱшанна, тау Тылат.
Мурышо-влак: Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Юмо, серлаге(3 гана).
Мурышо-влак: Порым каласе.
Отпуст:
Христос, поро да айдемым йӧратыше мемнан чын Юмына, Шке Эн Яндар Аважын, преподобный да Юмым шке кӧргыштышт нумалше ачана (кӧлан молебен служитлалтеш, лўмжӧ), да чыла святой-шамычын кумалмышт дене мемнам серлага да утара.
Мурышо-влак: Аминь.
ПанихидЕ
Иерей: Мемнан Юмына моктымо лийже, кызытат, керек-кунамат, курым-курым мучкак. Аминь.
Лудшо: Святой Юмо, Святой Куатле, Святой Колыдымо, мемнам серлаге (3 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Эн Святой Троице, мемнам серлаге; Господь Юмо, язык деч мемнам эрыкте; Ашныше Юмо, мемнан осалым ыштымынам кудалте; Святой Юмо, толын, Шке лўмет верчын, черна деч мемнам паремде.
Юмо, серлаге (3 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Пылпомышто улшо мемнан Ачана! Тыйын лўмет мокталтше, Тыйын Кугыжанышет толжо, Тыйын эрыкет мланде ўмбалнат пылпомышсо гаяк лийже. Мемнан илышаш киндым, тачылыкым, мыланна пу; кудалте мемнан язык-шамычнам, весе-шамычын мыланна ыштыме языкыштым кудалтымына гаяк; языкышке мемнам ит пурто, осал дечын мемнам утаре.
Возглас: Тыйын вет Кугыжанышет, куатет, кугу чапет, Ачан, Эргын, Святой Шўлышын, кызытат, керек-кунамат, курым-курым мучкак.
Мурышо-влак:Аминь.
Лудшо: Юмо, серлаге(12 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Толза мемнан Ашныше Юмылан ку-малына!
Толза мемнан Ашныше Христос Юмылан сукен кумалына!
Толза мемнан Ашныше Христос Юмылан Шкаланжак сукен кумалына!
90-ше псалом
Кўшнысӧ Юмын полшымыж дене илыше Пылпомышто улшо Юмын леведышыже йымалне лыплана. Юмылан каласа: полшышем мыйын, аралышем мыйын, Юмо, Тый улат, мый Тыланет ўшанем, манеш. Тудо тыйым кучышо-шамычын оптышышт гычын луктеш, аяр шомак дечат утара. Шулдыржо дене тыйым леведеш, тый Тудын шулдыржо йымалне ўшанен илет. Тудын чынлыкше тыйым сар-курал дене авыра, йўдым лўдыктышӧ дечат, кечывалым лўялтше чоҥештыше пикш дечат, пычкемыште коштшо осал дечат, чер дечат, тура кечывалымсе ия дечат от лўд. Тыйын воктенет тўжем йӧрлеш, пурла могырыштет лу тўжем йӧрлеш, а Тый декет огеш лишем. Тый шинчат дене осал-шамычлан орлык лийшашым ужат. Ӱшанымем мыйын, Юмо, Тый улат: кўшнысӧ Юмылан кумал илымеке, тыланет нимогай йӧсат ок лий, тыйын капетлан нимогай сусырат ок тўкнӧ. Юмо тыйын нергенет Суксыжо-шамычлан кўшта: коштмо корныштет тыйым аралыкта, тыйын йолет кў пелен шўртньымаш дечын нуно тыйым шке кидышт дене нӧлтал налыт. Аспид ден василиск* кишкым тошкалат, левым да кугу кишкымат лаштыртет. Мыланем ўшанымыжлан верчын Мый тудым утарем, Мыйын лўмем палымыжлан верчын Мый тудым левед аралем. Мыйым сӧрвалымыж годым колыштам, орлыкшо годымат Мый тудын дене лиям. Мый тудым утарен луктам, тудым чапландарем. Мый тудым кужу ўмыраным ыштем, Тудлан Шке утарымашемат ончыктем.
Тау Ачалан, Эргылан, Святой Шўлышлан, кызытат керек-кунамат, курым-курым мучкак. Аминь. Аллилуиа(3 гана).
Ектений
Тынысын Юмылан кумалына.
Мурышо-влак: Юмо, серлаге (кажне йодмаш деч вара).
Кўшнысӧ тыныслык верч, мемнан чоннам утарышаш верч, Юмылан кумалына.
Поро шарнымаш дене колышын языкшым кудалтыже манын, Юмылан кумалына.
Юмын эре шарнаш йӧрышӧ кулжылан (лўмжӧ) ласкалык, шып, поро шарнымаш лийже манын, Юмылан кумалына.
Шке эрыкше дене але эрык деч посна ыштыме чыла языкшым кудалташ манын, Юмылан кумалына.
Чапын Юмыжын лўдыкшӧ престолжо ончылан титаклыде шогалаш манын, Юмылан кумалына.
Шортшо-влак, орланыше-влак, Христосын лыпландарымыжым вучышо-влак верч Юмылан кумалына.
Тудын чыла тўрлӧ корштымыжым, ойгыжым, нелын шўлалтымыжым колтыжо манын, Юмын чурийжын волгыдо улмо верыш пуртен ашныже манын, Юмылан кумалына.
Господь Юмо тудын чонжым волгыдо, ойгыдымо, суапле верышке, чын корно дене коштшо-влакын илыме верышке, пуртен ашныже манын, Юмылан кумалына.
Тудым Авраам да Исаак да Иаков илыме верышке пуртен ашнаш манын, Юмылан кумалына.
Чыла тўрлӧ ойго, сырымаш да ситыдымаш деч утлаш манын, Юмылан кумалына.
Шке порылыкет дене, Юмо, мемнам пыдал нал, утаре, серлаге да арале.
Юмын поро кумылжым, Пылпомыш Кугыжанышым, языкшым кудалтышашым тудлан йодына да шкенам, икте-весынам да чыла илышнамат Христос Юмылан пуэна.
Мурышо-влак: Тыланет, Юмына.
Возглас: Тый вет колышо айдеметым (лўмжӧ) ылыжтен кынелтыше да чонжылан илымашым, суаплыкым пуышо Христос Юмына улат: Тўҥалтышдыме Ачат дене, илымашым пўрышӧ, Эн Святой да Поро Шўлышет дене иквереш Тыланет таум ыштена, кызытат, керек-кунамат, курым-курым мучкак.
Мурышо-влак: Аминь.
Аллилуиа (3 гана).
Иерей:
Стих 1: Господь, Тыйын ойырен налмет-шамыч поро пиалан улыт.
Стих 2: Тукым гыч тукымыш нуным шарнымаш.
Стих 3: Нунын чонышт суапле вереш лыпланат.
Тропарь, 8-ше глас: (Глубиною мудрости...)
Тўням Пўрышӧ Юмо иктак улат, айдемым йӧратен, кугу уш-акылет дене чылажымат чылалан сайлан келыштарен ыштенат, айдеме-шамычын чоныштлан суаплыкым пу. Вет нуно Тыланет, мемнам Пўрышӧ Юмыланна, ўшанен улыт.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Богородичен: Юмын Аваже, Эн Яндар Ӱдыр улат, Шке дечет шочшо Юмым мемнан верч кумалын, инаныше-шамычым пеҥгыде пырдыж гай левед Аралыше да Утарыше Тый улат.
(Благословен еси Господи...)
Юмо, Тый моктымо улат, Тыйын ончылнет чыныш лекшашлан мыйым туныкто.
Чыла святой-шамыч пытыдыме илымашым да райын омсажым муын улыт, языкем касарыктымем дене мыланемат нунын корнышко пураш лийже ыле. Йомшо шорык мый улам, мыйым ўжын, Утарыше, мыйым Шке утаре.
Юмо, Тый моктымо улат, Тыйын ончылнет чыныш лекшашлан мыйым туныкто.
Святой мученик-шамыч, Юмын Пачажым палаш туныктымыда верчын, пача гаяк шўшкылалтын, шоҥгемалтдыме, пытыдыме курымаш илымашке пурен улыда, мыланна язык касаралтшашлыкым пуыжо манын, Юмылан чот кумалза.
Юмо, Тый моктымо улат, Тыйын ончылнет чыныш лекшашлан мыйым туныкто.
Илымыда годым ыресдам нумалтыш гае налын, ойган, шыгыр корно дене коштшо, инанен, мыйын почешем мийыше-шамыч, толза, тыланда кугу пагалымашым, Пылпомышсо чапым ямдыленам, толза да йывыртен илыза.
Юмо, Тый моктымо улат, Тыйын ончылнет чыныш лекшашлан мыйым туныкто.
Языкын йораже-шамыч дене мый леведалтынам гынат, каласен моштыдымо Тыйын кугу чапетын тўсшӧ улам: Ашныше Юмо, Шке пўрымашетым Шке чамане, Шке поро кумылет дене мыйым эрыкте; чон шупшмо ача илыме верым пуэн, мыйым угычын райыште илышым ыште.
Юмо, Тый моктымо улат, Тыйын ончылнет чыныш лекшашлан мыйым туныкто.
Эн ожно нимо уке гычак Тый мыйым пўренат, Шкендын, Юмын, тўсетым пуэн, мыйым чаплым ыштенат, а вара, кўштыметым пудыртымекем, налын ыштыме мландышке мыйым мӧҥгеш пӧртылтенат. Тый мыйым тўсетлан йӧрышашлык верышке пурто да ожнысо гаяк моторым ыште.
Юмо, Тый моктымо улат, Тыйын ончылнет чыныш лекшашлан мыйым туныкто.
Юмо, Шке айдеметлан суаплыкым пу, святой-шамычын Пылпомышсо волгыдышто волгалтын илыме верышке – райышке – тудым пурто; айдеметын чыла языкшым кудалтен, тудлан суаплыкым пу.
Тау Ачалан, Эргылан, Святой Шўлышлан.
Кумытлын волгалтше Ик Юмым пагален, тыге моктена: Святой улат Тўҥалтышдыме Ача, Ача гаяк Тўҥалтышдыме Эргат да Святой Шўлышат, Тыланет инанен кумалше-шамычым, да мемнам волгыдым ыште, курымаш тул гычат утаре.
Кызытат, керек-кунамат, курым-курым мучкак. Аминь.
Эн Яндар, чылам утарыше Юмым кап дене Шочыктышо, йывырте, айдеме тукым Тыйын гочет утаралтеш; Юмын Аваже, Тый моктымо улат, Тыйын кумалмет дене мыланнат райышке пураш лийже ыле.
Аллилуиа, аллилуиа, аллилуиа, тау Тыланет, Юмо (3 гана).
Ектений
Угычын да угычын тынысын Юмылан кумалына.
Мурышо-влак: Юмо, серлаге (кажне йодмаш деч вара).
Иерей: Адак кумалына, колышо айдемын (лўмжӧ)чонжым Юмо суапле верышке пуртыжо, эрык дене, эрык деч посна ыштыме тўрлӧ языкшым касарыже.
Господь Юмо тудын чонжым языкдыме, святой айдеме-шамычын илыме суапле верышке пуртен ашныже.
Курым-курымеш Ашныше Христос Юмына деч Юмын поро кумылжым, Пылпомышсо Кугыжанышым, языкшым касарышашлыкымат тудлан йодына.
Мурышо-влак: Юмо, пу мыланна.
Иерей: Юмылан кумалына.
Мурышо-влак: Юмо, серлаге.
Иерей тиде молитвам шке кӧргыштыжӧ лудеш:
Чыла чон-шамычын, чыла тўрлӧ капан-шамычынат Юмыжо, азыреным сеҥен, иямат пытарен, тўнялан Тый Шке илымашым пуэнат. Юмо, тиде колышо айдеметын (лўмжӧ) чонжым волгыдо, эрыкан, суапле верышке, нимогай чердыме, орлыкдымо, ойгыдымо верышке пуртен, суаплыкыште ашне. Айдемым йӧратыше поро кумылан Юмо улметлан верчын, тудын шомак дене але паша дене, але шонымашыже дене ыштыме чыла тўрлӧ языкшым касаре. Тўняште илыше еҥ языкдыме иктат уке вет. Тый веле икте, чын, языкдыме улат, чынлыкет курымеш, шомакетат чын.
Возглас: Тый вет колышо айдеметым (лўмжӧ)ылыжтен кынелтыше да чонжылан илымашым, суаплыкым пуышо Христос Юмына улат: Тўҥалтышдыме Ачат дене, илымашым пўрышӧ Эн святой поро Шўлышет дене иквереш Тыланет таум ыштена, кызытат, керек-кунамат, курым-курым мучкак.
Мурышо-влак: Аминь.
Седален, 5-ше глас: (Покой Спасе наш...)
Утарыше Юмына! Возымаште каласыме семынак, айдемым йӧратыме кумылет дене, Шке кулетын эрыкше дене, эрык деч посна, пален але палыде ыштыме чыла языкшым касаре да тиде айдеметым Шке суртышкет пуртен, Святой-шамыч дене пырля ашне.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Богородичен: Христос Юмо, Ӱдыр дечын шочын волгалтмет дене мемнам волгыдын икшывыже-шамычым ыштенат, мемнам серлаге.
50-ше псалом
Юмем, Шкендын кугу кумылет дене мыйым серлаге, шуко порым шонымет дене осалем дечын чарныдеак мушкын, языкем дечын мыйым эрыкте; осалым ыштымем мый палем, мыйын языкем эре ушыштемак коштеш. Тыйын шинчат ончылно осал пашам ыштенам. Тыйын каласымет раш, языкем верчын мыйым судитлымет тӧрак. Авам мыйым языкеш иландарен, мый шочмем годымак яндар шочын омыл. Тый чон дене кӧргыштӧ тӧр шонымым йӧратет, пален шуктыдымо Тыйын законетым мыланем умылтарен туныкто. Тый, иссоп выньык дене мыйын ўмбакем шыжыктен, мыйым эрыкте. Мыйым мушкын, лум дечат чот ошым ыште. Куанышашлык, йывыртышашлык шомакым мыланем колыкто; Тый дечет лўдшӧ луэм йывыртыкте; мыйын язык-шамычем Тыйын шинчат ынже ончал, чыла осалым ыштымем дечын мыйым эрыкте. Юмем, мыйын чонем эрыкте, мыйын кӧргешем тӧр уш-акылым угычын ыште. Чурий ончычет мыйым ит кудалте. Мый дечем Святой Шўлышетымат шупшын ит нал. Утаралтшашлыкым, йывыртышашлыкым пу, ашныше Шўлышет дене мыйым пеҥгыдемде. Вийым пуымекет, осалым ыштыше-шамычым Тыйын корнетлан туныктынем ыле, языкан-шамыч Тый декет савырнат ыле; Юмем, вўр йоктарыме орлык дечын мыйым утаре. Утарыше Юмем, мыйын йылмем Тыйын чын оетлан куана. Господь, мыйын умшам почат гын, Тыйын кугу лўметым чапландарем ыле. Мый жертвым кондынем ыле гынат, Тый жертвым от йӧрате, йўлалтен кумалмымат от йӧрате, жертве олмеш чон дене шортын шонышым, толашен нойышым, Юмо кудалтен ок кодо. Юмо, Шке порылыкет дене Сион калыклан порым ыште, Иерусалим олан пырдыжшым нӧлтал, тунам вара презе-шамычым жертвылан кондымо олмеш тӧр шонен кумалмым йӧратет.
Канон, 6-шо глас
1-ше муро. Ирмос: (Яко по суху пешешествовав...)
Израиль, кукшо мланде дене кайыме гае, теҥыз пундаш дене каен, шке шеҥгечынже толшо фараонын вўдышкӧ пурен кайымыжым ужын да: Юмылан сеҥымаш мурым мурена, манын каласен.
Запев: Господь, колышо айдеметын чонжым суапландаре.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
3-шо муро. Ирмос:
Господь Юмем! Тый гает святой иктат уке, Шкаланет ўшаныше-шамычым чапландарыше поро Юмо Тый улат, Тыйым моктен чапландарыме кў ўмбалан мемнамат пеҥгыдемденат.
Запев: Господь, колышо айдеметын чонжым суапландаре.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Ектений
Угычын да угычын тынысын Юмылан кумалына.
Мурышо-влак: Юмо, серлаге(кажне йодмаш деч вара).
Иерей: Адак кумалына, колышо айдемын (лўмжӧ) чонжым Юмо суапле верышке пуртыжо, эрык дене, эрык деч посна ыштыме тўрлӧ языкшым касарыже.
Господь Юмо тудын чонжым языкдыме, святой айдеме-шамычын илыме суапле верышке пуртен ашныже.
Курым-курымеш Ашныше Христос Юмына деч Юмын поро кумылжым, Пылпомышсо Кугыжанышым, языкшым касарышашлыкымат тудлан йодына.
Мурышо-влак: Юмо, пу мыланна.
Иерей: Юмылан кумалына.
Мурышо-влак: Юмо, серлаге.
Иерей тиде молитвам шке кӧргыштыжӧ лудеш:
Чыла чон-шамычын, чыла тўрлӧ капан-шамычынат Юмыжо, азыреным сеҥен, иямат пытарен, тўнялан Тый Шке илымашым пуэнат. Юмо, тиде колышо айдеметын (лўмжӧ) чонжым волгыдо, эрыкан, суапле верышке, нимогай чердыме, орлыкдымо, ойгыдымо верышке пуртен, суаплыкыште ашне. Айдемым йӧратыше поро кумылан Юмо улметлан верчын, тудын шомак дене але паша дене, але шонымашыж дене ыштыме чыла тўрлӧ языкшым касаре. Тўняште илыше еҥ языкдыме иктат уке вет. Тый веле икте, чын, языкдыме улат, чынлыкет курымеш, шомакетат чын.
Возглас: Тый вет колышо айдеметым (лўмжӧ)ылыжтен кынелтыше да чонжылан илымашым, суаплыкым пуышо Христос Юмына улат: Тўҥалтышдыме Ачат дене, илымашым пўрышӧ Эн святой поро Шўлышет дене иквереш Тыланет таум ыштена, кызытат, керек-кунамат, курым-курым мучкак. Аминь.
Седален, 6-шо глас:
Чыла тўрлыжат чынак арам паша, илышнат ўмыл гае да омым ужмо гае веле: Возымаште каласыме гае, мланде ўмбалне чыла еҥ арам тургыжлана; тўняште улшо чыла погым погена гынат, шўгарышке пурыде огына код; тушто кугыжат, кўчызат икгаяк лийыт. Христос Юмо, айдемым йӧратыме поро кумылет дене тиде тўня гычын кайыше айдеметлан тыныслыкым пу.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Юмын Эн Святой Аваже, курымем мучко мыйым ит кудалте, еҥын аралымыжлан ўшанен, мыйым ит кодо, Шкеак мыланем полшо да серлаге.
4-ше муро. Ирмос:
Христос мыйын куатем, Ашныше Юмем манын, чапле Черке яндар шонымаш дене Юмым пагален да Юмылан йывыртен мура.
Запев: Господь, колышо шке айдеметын чонжым суапландаре.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
5-ше муро. Ирмос:
Поро Юмо! Тыланет кумалше, эрдене кынелын Тыйым йӧратен шонышо-шамычым Шкендын Юмын волгыдет дене волгалтаре, языкан еҥет-шамычым пычкемыш гыч лукшо Юмын Шомакшым, Тыйым, чын Юмо манын, палаш лийже.
Запев: Господь, колышо шке айдеметын чонжым суапландаре.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
6-шо муро. Ирмос:
Кугу мардеж гае, орлык дене толкынланен илыме теҥызым ужын, Тыйын тымык верышкет пурен, Тыланет кумалам. Шуко чаманыше Юмо, мыйын чонем йоммаш гыч утарен лук.
Запев: Господь, колышо шке айдеметын чонжым суапландаре.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Ектений
Угычын да угычын тынысын Юмылан кумалына.
Мурышо-влак: Юмо, серлаге (кажне йодмаш деч вара).
Иерей: Адак кумалына, колышо айдемын(лўмжӧ) чонжым Юмо суапле верышке пуртыжо, эрык дене, эрык деч посна ыштыме тўрлӧ языкшым касарыже.
Господь Юмо тудын чонжым языкдыме, святой айдеме-шамычын илыме суапле верышке пуртен ашныже.
Курым-курымеш Ашныше Христос Юмына деч Юмын поро кумылжым, Пылпомышсо Кугыжанышым, языкшым касарышашлыкымат тудлан йодына.
Мурышо-влак: Юмо, пу мыланна.
Иерей: Юмылан кумалына.
Мурышо-влак: Юмо, серлаге.
Иерей тиде молитвам шке кӧргыштыжӧ лудеш:
Чыла чон-шамычын, чыла тўрлӧ капан-шамычынат Юмыжо, азыреным сеҥен, иямат пытарен, тўнялан Тый Шке илымашым пуэнат. Юмо, тиде колышо айдеметын (лўмжӧ) чонжым волгыдо, эрыкан, суапле верышке, нимогай чердыме, орлыкдымо, ойгыдымо верышке пуртен, суаплыкыште ашне. Айдемым йӧратыше поро кумылан Юмо улметлан верчын, тудын шомак дене але паша ден, але шонымашыже дене ыштыме чыла тўрлӧ языкшым касаре. Тўняште илыше еҥ языкдыме иктат уке вет. Тый веле икте, чын, языкдыме улат, чынлыкет курымеш, шомакетат чын.
Возглас: Тый вет колышо айдеметым (лўмжӧ)ылыжтен кынелтыше да чонжылан илымашым, суаплыкым пуышо Христос Юмына улат: Тўҥалтышдыме Ачат дене, илымашым пўрышӧ Эн святой поро Шўлышет дене иквереш Тыланет таум ыштена, кызытат, керек-кунамат, курым-курым мучкак. Аминь.
Кондак. 8-ше глас. (Со святыми упокой...)
Христос Юмо! Шке айдеметын чонжым корштыдымо, орлыкдымо, ойгыдымо верышке пуртен, святой-шамыч дене пырля мучашдыме илышым пу да суаплыкыште ашне.
Икос:
Айдемым пўрышӧ Юмо! Тый Шке веле колыдымо улат, мландыште улшо-шамыч мланде гычак ыштыме улына да мландышкак мӧҥгеш каена: Пўрышӧ Юмо, мылам «Мланде гычын лийше улат, мландышке мӧҥгеш кай»,– манын, каласымет семынак, чыла еҥ-шамычат тушко каена да шўгарла ўмбалне шортын мурена: Аллилуиа, аллилуиа, аллилуиа.
7-ше муро. Ирмос:
Юмылан йӧрышӧ рвезе-шамычлан йўлышӧ коҥгам Суксо лупсаным ыштен; йўлалтен йӧсыландарыше халдей-шамычым вожылтарен, Юмын куатше нуным каласыктен: Ачана-шамычын Юмыжо, Тый моктымо улат.
Запев: Господь, колышо шке айдеметын чонжым суапландаре.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
8-ше муро. Ирмос:
Юмо, Шкаланет йӧрышӧ-шамычлан йўлышӧ тул гыч лупсым луктынат, праведный айдеметын жертвыжымат вўд дене йўлалтенат: Христос Юмо, шонет гын, чылажымат ыштен кертат, чыла курым мучкак Тыйым моктена.
Запев: Господь, колышо шке айдеметын чонжым суапландаре.
Ачалан да Эргылан да Святой Шўлышлан, Господьлан поро мутым ойлена.
Кызытат, керек-кунамат, курым-курым мучкак. Аминь.
9-ше муро. Ирмос:
Еҥ-шамычлан Юмым ужаш ок лий, Суксо-шамычат Юмым ончалаш огыт тошт; Эн Яндар Ӱдыр, Тый дечет капым налше да еҥ-шамычлан кончышо Юмым ме моктена да Пылпомышто улшо чыла Суксо-шамыч дене пырля Тыйым пагалена.
Запев: Господь, колышо шке айдеметын чонжым суапландаре.
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Иерей: Юмым Шочыктышым да Волгыдын Аважым муро дене чапландарена.
Мурышо-влак: Господь, шўлыш-влак да чын ыштыше-влакын чонышт Тыйым мокташ тўҥалыт.
Катавасий:
Еҥ-шамычлан Юмым ужаш ок лий, Суксо-шамычат Юмым ончалаш огыт тошт; Эн Яндар Ӱдыр, Тый дечет капым налше да еҥ-шамычлан кончышо Юмым ме моктена да Пылпомышто улшо чыла Суксо-шамыч дене пырля Тыйым пагалена.
Лудшо: Святой Юмо, Святой Куатле, Святой Колыдымо, мемнам серлаге (3 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Эн Святой Троице, мемнам серлаге; Господь Юмо, язык деч мемнам эрыкте; Ашныше Юмо, мемнан осалым ыштымынам кудалте; Святой Юмо, толын, Шке лўмет верчын, черна деч мемнам паремде.
Юмо, серлаге (3 гана).
Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь.
Пылпомышто улшо мемнан Ачана! Тыйын лўмет мокталтше, Тыйын Кугыжанышет толжо, Тыйын эрыкет мланде ўмбалнат пылпомышсо гаяк лийже. Мемнан илышаш киндым, тачылыкым, мыланна пу; кудалте мемнан язык-шамычнам, весе-шамычын мыланна ыштыме языкыштым кудалтымына гаяк; языкышке мемнам ит пурто, осал дечын мемнам утаре.
Возглас: Тыйын вет Кугыжанышет, куатет, кугу чапет: Ачан, Эргын, Святой Шўлышын, кызытат, керек-кунамат, курым-курым мучкак.
Мурышо-влак: Аминь.
Тропарь-влак, 4-ше глас: (Со духи праведных…)
Утарыше Юмо, тиде колышо айдеметын чонжылан Пылпомышто улшо святой-влакын чонышт дене пырля суаплыкым пу; айдемым йӧратыше Юмо, тудын чонжым Шкендын поро илемыштет ашне.
Господь Юмо, чыла святой-влакын илыме суапле верышке пуртен, тиде айдеметын чонжылан суаплыкым пу: Тый икте айдемым йӧратыше Юмо улат.
Тау Ачалан, Эргылан, Святой Шўлышлан.
Тамыкышке волен, тушко петырыме-шамычым орлык гыч утарен лукшо Юмо Тый улат: тиде айдеметын чонжым суапландаре.
Кызытат, керек-кунамат, курым-курым мучкак. Аминь.
Пӧръеҥ деч посна Юмым Шочыктышо, Тый веле икте Яндар Ӱдыр улат: тиде еҥын чонжо утаралтшаш верч Юмым кумал.
Ектений
(Помилуй нас Боже…)
Иерей: Юмо, Шке кугу поро кумылет дене мемнам серлаге, ме Тыланет кумалына, колышт да серлаге.
Мурышо-влак: Юмо, серлаге (3 гана).
Адак кумалына: колышо айдемын(лўмжӧ) чонжым Юмо суапле верышке пуртыжо, эрык дене, эрык деч посна ыштыме тўрлӧ языкшым тудлан касарыже.
Мурышо-влак: Юмо, серлаге (3 гана).
Господь Юмо тудын чонжым языкдыме святой айдеме-шамычын илыме суапле верышке пуртен ашныже.
Мурышо-влак: Юмо, серлаге (3 гана).
Курым-курымеш Ашныше Христос Юмына деч Юмын поро кумылжым, Пылпомышсо Кугыжанышым, языкшым касарышашлыкымат тудлан йодына.
Мурышо-влак: Юмо, пу мыланна.
Иерей: Юмылан кумалына.
Мурышо-влак: Юмо, серлаге.
Иерей тиде молитвам шке кӧргыштыжӧ лудеш:
Чыла чон-шамычын, чыла тўрлӧ капан-шамычынат Юмыжо, азыреным сеҥен, иямат пытарен, тўнятлан Тый Шке илымашым пуэнат. Юмо, тиде колышо айдеметын (лўмжӧ) чонжым волгыдо, эрыкан, суапле верышке, нимогай чердыме, орлыкдымо, ойгыдымо верышке пуртен, суаплыкыште ашне; айдемым йӧратыше поро кумылан Юмо улметлан верчын тудын шомак дене але паша дене, але шонымашыж дене ыштыме чыла тўрлӧ языкшым касаре: Тўняште илыше еҥ языкдыме иктат уке вет. Тый веле иктак чын, языкдыме улат, чынлыкет курымеш, шомакетат чын.
Возглас: Тый вет колышо айдеметым (лўмжӧ) ылыжтен кынелтыше да чонжылан илымашым, суаплыкым пуышо Христос Юмына улат: Тўҥалтышдыме Ачат дене, илымашым пўрышӧ эн Святой Поро Шўлышет дене иквереш Тыланет таум ыштена, кызытат, керек-кунамат, курым-курым мучкак.
Мурышо-влак: Аминь.
Иерей: Кугу уш-акыл. Юмын Аваже, мемнам утаре.
Мурышо-влак: Херувим-шамыч дечат утла пагалышашлык лийынат, Серафим-шамыч дечат таҥастарыдыме чапле лийынат, Тыйым, чынак Эрге Юмым языкдеак шочыктышо Авам, кугу улат манын моктена.
Иерей: Тау Тыланет, Христос Юмо, мемнан ўшанна, тау Тыланет.
Мурышо-влак: Тау Ачалан, Эргылан, Святой Шўлышлан, кызытат, керек-кунамат, курым-курым мучкак. Аминь. Юмо, серлаге (3 гана). Порым каласе.
Отпуст:
Илыше-шамычымат, колышо-шамычымат Шке кидыштыже кучышо, колыма гычын ылыж кынелше мемнан чын Христос Юмына, Эн Святой Аважын, пагалыме, чапле святой апостолжо-шамычын, Юмым шонен, яндарын илыше святой ачана-шамычын, чыла святой-шамычынат кумалмышт верчын, мемнан деч вес тўняш кайыше айдемыжын (лўмжӧ) чонжым святой-шамычын илымашке пуртен, Авраамын верешыже лыпландара, да чын ыштыше-шамыч дене пырля ашна; айдемым йӧратыме поро кумылжо дене мемнамат серлага да утара.
Мурышо-влак: Аминь.
Иерей: Господь, поро колымаште курымашлык суапландарымашым пу, колышо Тыйын айдеметлан (лўмжӧ) курымашлык шарнымашым ыште.
Мурышо-влак: Курымашлык шарнымаш (3 гана).
Тудын чонжо поро илемеш верлана, тукым гыч тукымыш тудым шарнымаш. Святой Юмо, Святой Куатле, Святой Колыдымо мемнам серлаге (3 гана).
Посещений: 2175
(за этот месяц: 21)
