МАРИЙ ГАЗЕТ «ШЎМ-ЧОН ИЗОЛЫК»

Шергакан иза-шольо ден ака-шўжар-влак, 2013 ий март тылзе гыч «Шўм-чон изолык» лўман икымше православный марий газет ош тўням ужо. Йошкар-Ола ден Марий Элысе епархийым ыштымылан 20 ий темме вашеш тиде пашам Владыка Иоаннын благословитлымыж дене виктарен колтымо. Ме тендам газетым лудаш веле огыл, а поро кумыл дене тушко возен шогаш ўжына. Черке илыш але храмын историйже, рушарнясе школын пашаже, Юмын корныш савырныме амал, посна еҥын илыш ойыртемже – лудшылан чылажат оҥай. Фотоматериал дене сӧрастарен да пеҥгыдемден кертыда гын, эшеат сай. Марла возышо пеш шагал. Мотор гына шочмо йылмына дене пайдаланаш ида вожыл. Возымаште йоҥылыш деч ида лўд, тудым тӧрлатена. А теве илышыште тўрлыжат лиеш, сандене чоным туржшо йодышлан ойым газет гоч священник пуэн кертеш.

ГАЗЕТЫН ЭЛЕКТРОННЫЙ ВАРИАНТШЕ ТЕВЕ ТЫШТЕ.

Кусарыме паша шотышто комиссийын адресше: 424002 г.Йошкар-Ола, ул. Вознесенская 81, каб.224, телефон: 45-39-54
Электронный вариантым колтышаш адрес Е-mail: marlagazet@mail.ru