Архиепископ Иоаннын благословитлымыже почеш марий йылме дене тыланда тыгай книга-влакым савыктыме. Илышыште вашлиялтше шуко йодышлан те тушто вашмутым муыда, йочадам ончен-куштымаште Юмо нерген шинчымашым шочмо йылме дене пуэн кертыда:

1. У Сугынь (Новый Завет)
2. Марла молитва-влак (Марий йылме дене эр да кас молитва-влак, тўрлӧ молитва-шамыч).
3. Библий каласкала (Йоча-влаклан тўрлӧ чиян савыктыш).
4. Вес тўнясе илыш нерген (Колымеке, Феодора аван могай орлыкым чытымыж нерген).
5. Мироносец лудыш, 10 № (Ильян кече гыч тўҥалын Юмым Шочыктышо Пеш Святой Аван Леведмыже лўмеш (Покро) марте лийше пайрем-влак нерген).
6. Молебен, панихиде.
7. Молитвам лудаш тунемына (Артемий Владимировын «Молитвослов для самых маленьких» книгаже почеш).

Шукерте огыл марий йылме дене «Псалтирь» лектын. Тиде книга илышыште чот кўлешан. Тираж кугу огыл, налаш вашкыза. Тыгак марий йылме дене йўкын возымо эр да кас молитвам eparhia.ter12.ru сайтыште колышташ лиеш.